PRDS ദലിത് ക്രൈസ്തവരെ പുറത്താക്കുമ്പോൾ:Joy thuruthel

ദളിത് ക്രൈസതവരെക്കുറിച്ചുള്ള  മുൻ വിധികളും (19ാം നൂറ്റാണ്ടിനപ്പുറം ചരിത്രമില്ലത്തവരും ക്രൈസതവ മിഷണറി ആശ്രിതരും ആണന്ന ,)  വികല ചരിത്ര ബോധ്യങ്ങളും കേവലം PRDS ന് ഉള്ളിൽ മാത്രം ഒതുങ്ങി നിൽക്കുന്നതല്ലന്നതാണ് വസ്തുതാ. ഹിന്ദു  പൊതു ബോധത്തിന് കീഴ്പ്പെട്ട കേരളത്തിന്റെ പൊതുബോധത്തിൽ ആകെ ഈ ദളിത് ക്രിസ്ത്യൻ വിരുദ്ധത അതീവശക്തമാണ്. പട്ടിക ജാതി സംവരണ ചർച്ചകളിൽ ആകെ നിറഞ്ഞ് നിൽക്കുന്നത് ദളിത് ക്രൈസതവർക്കെതിരായ മതപരിവർത്തനമെന്ന കുല / ദേശ ദ്രോഹ ആക്ഷേപങ്ങളാണ്. ഈ മനോഭാവം തന്നെയാണ്  കേരളത്തിലെ ദളിത് പക്ഷ മെന്ന് സ്വയം കരുതുന്നവരും പുറമെ അവകാശപ്പെടുന്ന പലരുടേയും നിലപാട് കൾ.ദളിത് സൈദ്ധാന്തികനും ചരിത്രകാരനുമായ കൊച്ചെട്ടൻ പോലും മത വിശ്വാസത്തിന്റെ പേരിൽ ദളിത് ക്രൈസതവരെ അപരരാക്കുന്ന സൈദ്ധാന്തികരണം തന്നെ നടത്തിയിട്ടുണ്ട്. ഇന്ത്യയിലെ ദളിത് ക്രൈസതവർക്ക്  ഇന്നും സാമൂഹിക നീതി നിഷേധിക്കുന്നതിന്റെ അടിസ്ഥാനം തന്നെ ഈ സാമൂഹിക വിരുദ്ധ സമീപനങ്ങൾ മുഖ്യ പങ്ക് വഹിക്കുന്നുണ്ട്. ദളിത് ക്രൈസതവരുടെ ആദി ജനത (Aborigines)     Indigenous  എന്നിങ്ങനെയുള്ള  സാമൂഹിക ആസ്ത്വീത്വത്തെ തന്നെ   വ്യത്യസ്ഥ മത വിശ്വാസത്തിന്റെ പേരിൽ  ചോദ്യം ചെയ്യുന്നവർ ഇന്ത്യയിലെ മർദ്ദിത ദേശീയതയുടെ രാഷ്ട്രീയ പ്രതിനിധാനമാണോ ഏറ്റെടുക്കുന്നതെന്ന് ചിന്തിക്കണം . ഒപ്പം ഇന്ത്യ ചരിത്രത്തിൽ പശ്ചാത്യ ക്രൈസതവ മിഷണറി ഇടപെടലുകൾക്കോ, ഇനി പാശ്ചാത്യ നാമ്രാജ്യ ചരിത്രത്തിന് തന്നെ ഏറിയൽ അഞ്ഞുറോ അറുന്നൂറോ വർഷത്തെ ചരിത്രമാണ് ഉള്ളതെന്ന് എങ്കിലും ഇത്തരക്കാർ എന്തെ മറന്ന് പോകുന്നത്.