ഈ രാത്രിയെ
ഒരാൾ പകലായും
മറ്റൊരാൾ സന്ധ്യയായും
വേറൊരാൾ പുലരിയായും
വരയ്ക്കുന്നുണ്ട്...
അതുകൊണ്ടുതന്നെയാണ്
ഓരോ നിറങ്ങളും
സ്വപനത്തിന്റെ പാലറ്റിൽ നിന്നും കാണാതാവുന്നത്
ഈ രാത്രിയെ രാത്രി എന്നുമാത്രമല്ല
ഇടക്കൊക്കെ പകലേ എന്നും വിളിക്കാവുന്നതാണ്
അല്ലെങ്കിൽ വിളക്കുകൾക്കു ചുറ്റും
ഇങ്ങനെ കറങ്ങുവാൻ
ചിറകുകൾ ഉണ്ടാവില്ലായിരുന്നു.
No comments:
Post a Comment