നമ്മൾ ഇപ്പോൾ കവിത എഴുതുകയാണ് :നവാസ് ചുള്ളിയിൽ

നമ്മൾ ഇപ്പോഴും കവിതയെഴുതുകയാണ് നീതി മരണപ്പെട്ടുപ്പോയോരു നാട്ടിലിരുന്ന് പൂക്കളെക്കുറിച്ച് പുഴയെക്കുറിച്ച് മഴയെക്കുറിച്ച് പ്രണയത്തെക്കുറിച്ച് നമുക്ക് സങ്കടങ്ങളില്ല ഉത്കണ്ഠകളില്ല ഭീതിയിൽ മുങ്ങിയ ഭീകരമായ മൗനം മാത്രം കൽത്തുറങ്കുകളിലെ ഇരുട്ടിൽ എത്ര പേർ മുമ്പും അങ്ങിനെത്തന്നെയായിരുന്നു സത്യം പറഞ്ഞവർ ത്യാഗം ചെയ്തവർ രാജ്യസ്നേഹികൾ അറിഞ്ഞും അറിയാതെയും എത്ര പേർ അതെ സത്യം പറഞ്ഞവർ എന്നും കൽത്തുറുങ്കുകളിലായിരുന്നു കഴുമരങ്ങളെയും നിറത്തോക്കുകളെയും അവർ സ്നേഹിച്ചു ഇന്നും അങ്ങിനെത്തന്നെ പേരുകൾ നിങ്ങൾക്കുമറിയാം വെറുതെ ആവർത്തിക്കേണ്ടതില്ലല്ലോ എന്നിട്ടും നമ്മളിപ്പോഴും കവിതയെഴുതുകയാണ് നീതി മരണപ്പെട്ടുപ്പോയോരു നാട്ടിലിരുന്ന് പൂക്കളെക്കുറിച്ച് പുഴയെക്കുറിച്ച് മഴയെക്കുറിച്ച് പ്രണയത്തെക്കുറിച്ച് നമുക്ക് സങ്കടങ്ങളില്ല .... ........