അശോക് ദാസ്.....! പത്രാധിപരായ ദലിത് യുവാവ്.. :സനിഷ് തങ്കച്ചന്‍

അശോക് ദാസ്.....!!!!പത്രാധിപരായ ദലിത് യുവാവ്...!!!

ഒരു ലക്ഷത്തിലേറെ വായനക്കാരുള്ള 'ദലിത് ദസ്തക്' ആണ് IIMC യിൽ നിന്നും മാസ്റ്റർ ബിരുദമെടുത്തിട്ടുള്ള അശോക് ദാസ് വിജയിപ്പിച്ച സംരംഭം....!!!! 

അംബേദ്കറിസത്തിലുള്ള ഇച്ഛാശക്തി ഒന്നു മാത്രം കൊണ്ട് ഒരു സംരംഭം വിജയപഥത്തിലെത്തിക്കാം എന്ന പാഠമാണ് അശോക് ദാസ് എന്ന

31കാരന് സഹജീവികൾക്ക് നൽകുന്നത്. അശോക് ദാസിന്റെ ഈ വിജയത്തിനു പിന്നിലും ജാതിവെറിയുടേയും പീഢനങ്ങളുടേയും പുറത്താക്കലുകളുടേയും ദുരനുഭവങ്ങളേറെയുണ്ട്. പഠനം കഴിഞ്ഞ് 2006 ല് മഹാരാഷ്ട്രയിലെ അറിയപ്പെടുന്ന ഒരു ഹിന്ദി പത്രത്തിൽ ജോലി നോക്കി. അവിടെ 'ദാസ്' എന്ന തന്റെ ജാതി നാമം മാറ്റി 'കുമാർ' എന്നാക്കി. തന്റെ രചനകളിൽ ദലിത് വിമോചനത്തിനു വേണ്ടിയുള്ള മാർഗരേഖകൾ ഉള്ളടങ്ങുന്നു എന്ന വിവരം പത്രമുടമ മനസിലാക്കിയതോടെ അശോക് ദാസിന്റെ ജാതി തിരിച്ചറിയപ്പെടുകയും അതിന്റെ ഫലമായി അവിടത്തെ ജോലി നഷ്ടമാകുകയും ചെയ്തു. പിന്നീട് അശോക് ദാസ് യു.പിയിലെ ഒരു ഹിന്ദി പത്രത്തിൽ ചേർന്നു. അവിടെ സഹപ്രവർത്തകരെല്ലാം ഉന്നത കുലജാതരായിരുന്നു. ദലിത്അട്രോസിറ്റി വാർത്തകളൊന്നും പ്രസിദ്ധീകരിക്കാൻ അവർക്ക് താൽപര്യമുണ്ടായിരുന്നില്ല. അതിനുവേണ്ടി നിലകൊള്ളുന്ന അശോക് ദാസിനെ അവർ വെച്ചു പൊറുപ്പിച്ചതുമില്ല...!!!!!

2012 ലാണ് 'ദലിത് ദസ്തക്' തുടങ്ങിയത്....!!!! ദലിത് പ്രസിദ്ധീകരണങ്ങൾക്ക് പരസ്യങ്ങൾ നൽകാൻ ആരും മുന്നോട്ടു വരില്ലല്ലോ? ദലിതരിൽ നിന്നുള്ള സംഭാവനകൾ സമാഹരിച്ചുകൊണ്ടാണ് അശോക് ദാസ് ആ പരിമിതിയെ തരണം ചെയ്തത്..!!!

രോഹിത് വെമുലയെ കുറിച്ച് രണ്ട് ആർട്ടിക്കിളുകൾ ദലിത് ദസ്തകിൽ പ്രസിദ്ധീകരിച്ചു...!!!!

അതിലെ ഒന്ന് 'ഞങ്ങൾക്കിനിയും ഒരു ഏകലവ്യനെ വേണ്ടാ..!' എന്നതാണ്. സമപ്രായക്കാരായ ദലിത് യുവാക്കളിൽ അശോകിന് വനപ്രതീക്ഷയുണ്ട്...!!! അതെ, ഒറ്റ ദിവസംകൊണ്ട് ഒരു റോമാ നഗരം തീർക്കാൻ ഒറ്റക്കു പോലും ഒരു ദലിതനേ കഴിയൂ എന്ന പ്രപഞ്ച സത്യവാചകത്തിന് അശോക് ദാസും അടിവരയിടുന്നു....!!!! ഈ ഭീംപുത്രന് അഭിവാദ്യങ്ങള്...!!!! ജയ്ഭീം...!!!!